An Eagraíocht
Bunaíodh Comhar na Múinteoirí Gaeilge i 1964. Feidhmíonn an eagraíocht mar thaca agus mar fhoinse threorach
do mhúinteoirí uile na tíre – atá ag múineadh Gaeilge nó ag múineadh trí Ghaeilge – ina gcuid iarrachtaí chun cur
lena ngairmiúlacht féin agus chun feabhas a chur ar shiollabais agus ar fhoghlaim na Gaeilge.

Chuige seo foilsítear acmhainní éagsúla teagaisc agus cuirtear seirbhísí gairmiúla ar fáil i bhfoirm seimineár agus cúrsaí. Faigheann Comhar na Múinteoirí Gaeilge deontas bliantúil ó Fhoras na Gaeilge.  


Aidhmeanna
• Múineadh na Gaeilge a chur chun cinn agus ionad na Gaeilge sa chóras oideachais a fhorbairt
• Seirbhísí gairmiúla a sholáthar do mhúinteoirí ag gach leibhéal den chóras oideachais
• An Ghaeilge a chur ar aghaidh leis na háiseanna agus leis na modhanna is éifeachtaí
• Bheith lánpháirteach le hinstitiúidí oideachais chun na leasuithe is gá a bheachtú agus chun
  athbhreithniú a dhéanamh ar an gcuraclam nuair is gá
• Comhoibriú chun leas mhúineadh na Gaeilge agus múineadh trí Ghaeilge a chothú


Comhar na Múinteoirí Gaeilge ag obair i gcomhar
• Le craobhacha ar fud na tíre
• Le múinteoirí agus le scoileanna
• Le forais oideachais agus Ghaeilge
• Le foilsitheoirí agus lucht léinn
• Leis an Roinn Oideachais agus Eolaíochta
• Leatsa?


Comhar na Múinteoirí Gaeilge
• Tá 36% de lucht Daonáirimh a bhfuil Gaeilge acu – a bhformhór ón scoil.
• Ag tacú le múineadh na Gaeilge ag gach leibhéal!
• Dearadh agus feidhmiú siollabas nua – atá ag cinntiú torthaí scrúdaithe i bhfad níos fearr.
• Forbairt pobail ar fud na tíre – in eagrais agus ar choistí.
• Soláthar ábhar teagaisc agus foghlama – liosta ar fáil!
• Bígí linn – Bígí i gComhar linn!


Gníomhaíochtaí
• Cúrsaí Inseirbhíse
• Cainteanna agus Seimineáir
• Taispeántais
• Soláthar ábhar teagaisc/foghlama
• Foilseacháin Ócáidiúla
• Comórtais
• Ionadaíocht ar chuid mhór Coistí agus Eagraíochtaí Gaeilge


Cruinniú Cinn Bhliana, 1 Márta 2008
>> Tuilleadh eolais